Kataluniako erabiltzaile batzuek detektatu zuten arazoa eta hortik abiatuta ikerketa bat egin du Aliança per la Presència Digital del Català erakundeak. 2022ko maiatzetik hona katalanak ikusgarritasuna galdu duela frogatzen du azterketak. Gauza bera gertatzen da euskararekin. Eta ondorioz, euskarak Interneten duen ikusgarritasuna galdu duela nabarmendu du Puntueus fundazioak. Horren arrazoia algoritmoan egindako aldaketa bat dela ondorioztatu dute. Arazoa konpontzeko martxan jarri dira.