Gurutze Gorriak energia gastuei aurre egin ezin zuten Araba, Bizkaia eta Gipuzkoako 1.381 familia artatu ditu 2023ko lehenengo 6 hilabetetan. 2022an, osotara, 1.019 izan ziren artatutakoak. Laguntza eske gerturatzen direnen profilean ere aldaketak nabaritzen ari direla baieztatu dute Gurutze Gorritik, gero eta gehiago dira lan eginda ere faktura energetikoa ordaintzeko zailtasunak izaten ari direnak.