Gaurko, asteleheneko, eguerditik astearteko 06:00ak arte, indarrean egongo da abisu horia prezipitazioengatik. Gipuzkoan eta Nafarroako zati batean, 40 eta 60 litro artean pilatu litezke m²-ko. Gainera, abisu horia ezarriko da Nafarroako Pirinioetan elurteengatik, 15 cm-ko metaketekin.

Gipuzkoako eta Bizkaiko mendebaldeko kostaldean abisu horia egongo da haize-boladengatik. Olatuek sor dezaketen kostaldeko arriskuagatik, abisu horia alerta laranja bihurtuko da gaur arratsaldeko 16:00etan, eta astearteko 15:00ak arte luzatuko da, olatuak 5,5 metrorainokoak izan baitaitezke.

Ipar Euskal Herrian, astelehenetik aurrera, abisu laranja ezarriko da uholdeengatik, gutxienez goizeko 6:00ak arte. Eta abisu horia uholdeengatik, Gave d’Oloronen, Niven eta Nivellen.