Normalean baino bi aste lehenago hasi dira jaiak, Parisko Olinpiar Jokoak direla eta. 17:00etan izan da festen irekiera ofiziala; Herriko Giltzak plazara botata lehertu da festa. Jai alternatiboen irekiera izan da ondoren, ikurrina eta nafar ikurra handi-handi. Balkoitik hartu dute hitza Baionako gazte asanbladako kideek jai herrikoi, euskaldun eta feministen abiatzea iragartzeko.

Bestalde, ohartarazi dute neonazi talde bat Baionara iritsi dela. Ostalariek eta peñetako kideek mezu bat jaso dute abisua emateko, eta adi egoteko eskatu diete.