Dozenaka lagunek egin dute bat arratsaldean Iruñean Haur Eskolak Euskaraz plataformak deituriko protestarekin. “Entzun haur eskolak euskaraz orain” lelopean mobilizazioa egin dute Udaletxe plazatik abiatuta.

Egun euskarazko murgiltze eredua eskaintzen duen zentro bakarra dago Iruñean, eta seik euskara eta gaztelania lerroak partekatzen dituzte. Horiek horrela, salatu dute handia dela hutsunea, gaztelania gailentzen baita gehienetan.