Konferentziak, ibilbide naturalistikoak, familientzako jarduerak… Gasteizko Ingurumen Gaietarako Ikastegiak mota guztietako jarduerak antolatu ditu urria eta abendua artean. Erakusketak ere egongo dira. Horien artean esanguratsuenetakoa ‘European Wildlife Photographer of the Year’ izango da. Azaroaren 28tik aurrera naturako argazki onenak eramango ditu Atarira. Konferentzia ugari egongo dira: Euskadiko geodibertsitateari buruzkoak, solstizio-tradizioei buruzkoak edota mendiko jardueretarako jardunbide egokiei buruzkoak. Urriaren 1ean Hegaztien Eguna ospatuko da Olarizuko Lorategi Botanikoan. Besteak beste hegaztien behaketa edota haurrentzako jolasak egongo dira.