Jesus Uzkudun Asviamieko bozeramaileak azpimarratu du medikuak behartuta daudela amiantoaren kutsaduraren ondorioz sortutako gaixotasunen berri ematera, baina salatu du ezkutuan gelditzen direla: “Sekulako eskandalua da. Gauza bat Legeak egotea, eta bestea erresoluzioak egiteko orduan informazio hori ukatzea; negazionista ugari dago”.
Uzkudunek azpimarratu du Araban, Bizkaian eta Gipuzkoan errekonozitu dituztela Espainia osoko kasuen %60, “Eusko Jaurlaritza isilik badago ere, gaixotasun gehiago daudelako, baina baita gaixotasun horiek errekonozitzeko egiten ari diren lan guztiagatik ere”.