Hordago! euskararen aldeko ekimenaren deialdiari jarraituz, mila lagun baino gehiago elkartu dira asteburuan Tuteran. Euskaraz bizitzeko eskubidea aldarrikatu dute, manifestazio alai eta jendetsuan Erriberako hiriburuko kaleak “Viva el euskera, de Cortes a Bera” lemapean zeharkatuz. Horretaz gain, goizean goiz Errigorak hasiera eman zion erriberan euskara sustatzeko kanpaina berriari Ablitasen. Elikagaiekin kutxak osatzeko auzolan erraldoia, eta jarraian bazkaria. Gerora Tuterako manifestaziora batu ziren.