Osakidetzako langileek elkarretaratzeak egin dituzte ostegun honetan osasun zentroen aurrean, Satse, ELA, LAB, SME, CCOO eta UGT sindikatuek deituta. Elkarretaratzeak maiatzaren 18an eta 19an Osakidetzan deituta dauden bi greba-egunen aurreko mobilizazioen parte dira, eta osasun-langile guztiei babesa emateko deia egin dute.

Haien esanetan, Lehen Mailako Arreta “okerrera” joan da azken urteotan, eta langileei “lan-baldintza eskasak”eskaintzen zaizkie. Ildo horretan, sindikatuek salatu dute negoziazio kolektiboa blokeatuta dagoela. Esther Saavedra Osakidetzako ELAko arduradunaren hitzetan, “Osasun Sailak ez du benetako negoziaziorik egiteko borondaterik”.