Epaileak espetxera bidali du bikotekide ohiari sexu-erasoa egiteagatik Gasteizen atxilotutako gizona. Erasoa astelehen goizean gertatu zen. 45 urteko gizonezkoak bikotekide ohiari gerturatu zitzaion, urruntze-agindua izanda ere, honek etxetik irteten ari zela. Biktima etxebizitzara igotzera behartu zuen erasotzaileak. Behin etxean zeudela, sexu-harremanak izatera behartu zuen, honen borondatearen kontra eta indarkeria erabiliz.