Irungo Santiago zubia kolapsatuta geratu da ostegun honetan tanke ilara batengatik. Koordinazio arazoak direla eta, tankeak zeramatzaten kamioiek frantziar polizia iritsi arte itxaron behar izan dute. Pasa den astean ere tankeak zeramatzaten kamioiak ikusi ziren Irunen. Dozena erdi tankek osatutako konboia Frantziar armadarena da eta Gasteizeko Arakako kuarteletik atera ziren. Guardia Zibileko, Ertzaintzako, frantziar jendarmeriako eta Irungo Udaltzaingoko zenbait agentek lagunduta zihoan. Konboiak trafiko arazoak sortu zituen Ficoba inguruan. Auto-ilarak areagotu egin dira ostegun honetan Santiago zubia blokeatuta egon delako.Ertzaintzak ez zuen azaldu zer egiten zuten halako tankeek espainiar armadak Arakan duen kuartelean. Ezta zergatik zeharkatu duten Euskal Herria ere.