Hernanin egindako Burujabetzak jardunaldietan elikaduraren inguruan Iker Elosegi aritu da. Adierazi du askotan ahaztu egiten dugula jaten duguna norbaitek egiten duela, eta gaur egungo talka nagusia bi eredu kontrajarrien artekoa dela, laborantza herrikoi edo iraunkorraren eta laborantza produktibista edo industrialaren artekoa. Horiek hala, Abadiñoko hautetsi eta EHNE Bizkaiko Untzalu Salterainek azpimarratu du tokiko elikadura sistemak eraikitzearen beharra.