Plastikoa kudeatzeko Zumarragan egitera zihoazen instalazioa, Plastic Energy, baliteke azkenean ez egitea. Zurrumurru hori zabaldu da behintzat. Hori hala, Plastic Energyren egitasmoa bertan behera gelditu den argitzeko eskatu dio UZ Bizik Zumarragako Udalari. Plataforma ekologistak adierazi du Gipuzkoako Foru Aldundiko iturri ez-ofizialetatik jakinarazi zaiela Euskadi Advanced Recycling SL enpresak, Plastic Energy multinazionalaren filialak, uko egin diola Aldundiak proiektua garatzeko emandako 4 milioiko dirulaguntzari.