Ibilaldia, Bizkaiko ikastolen jai handia bueltan da bi urteren osteko geldialdiaren ondoren. Igandean ospatuko da Abusuko Ikastolak antolatuta. Hirugarren aldia da ikastola horrek antolatzen duena Ibilaldia. Zaloa Aldatz Abusuko Ikastolako zuzendariak azaldu du "erronka handia" izan dela.

'Erro, harri, har' lelopean ospatuko da aurtengoa; "Errotik euskara zabaltzeko" lanean ari direlako egunero eta "harria bezain gogor jarduteko asmoz" daudelako eta "harrera ikastola" izan nahi dutelako, Aldatzen hitzetan.