Zaporeak taldeak elkartasun kontzertua antolatu du hilaren 28rako Burlatako Kultur Etxean. Muxutrock eta Madame Birrots taldeek eskainiko dute kontzertua. Helburua Lesbosen errefuxiatuak elikatzen jarraitzen ahal izateko, dirua biltzea da.

Elisa Huartek eta Fermin Artolak astearte honetan Iruñean azaldu dutenez, egunero 1.500 eta 3.000 otordu artean ematen dituzte, errefuxiatu kopuruaren arabera. Une honetan, Kara Tepen 3.000 errefuxiatu inguru daude, eta horietatik 2.200ek jasotzen dute janaria.