Sute txiki bat piztu da astelehen honetan Donostiako Zubietako erraustegiko biolehortze plantan. Donostiako suhiltzaileek jakinarazi dute. Sutea arratsaldeko 18: 00ak aldera aurkitu dute, pilatutako hondakinetatik kea ateratzen ari zela antzeman dutenean, baina ez da sugarrik sortu. Instalazioko segurtasun-sistemak hondakinen gainean ura botatzen hasi dira, eta Donostiako suhiltzaileak bertaratu dira sutea itzaltzeko. Ez da errauskailuak akatsa izan duen lehen aldia. Astelehen honetako sutearekin bosgarren sutea litzateke.