1990ean Donostiako Koordinadora Feministak 5 kilometrotako Lilatoia lasterketa antolatu zuen emakumeentzat. Aldarrikapenak argiak ziren: Sarien berdintasuna, emakumeak kirola kalean egitera animatzea eta beste lasterketa mistoetan parte hartzeko bultzada izatea. 33 urte igaro dira, eta lasterketa sendoa eta ezaguna bihurtu da. Emakume askorentzat, kirolean lehen urratsak emateko erreferentzia bilakatuz. Aurten Nerea Egia donostiarra izan da lehena helmuga zeharkatzen, 17 minutu eta 45 segundoko denborarekin.