Iazko formatu bera erabiliko da. Maila handiko hamasei pilotarik hartuko dute parte. Bi taldetan banatuko dira pilotariak eta talde bakoitzean aurrelari nahiz atzelari guztiek elkarrekin nahasita jokatuko dute. Pilotari bakoitzak ligaxkako lau partidu jokatuko ditu. Puntuazioa indibiduala izango da eta talde bakoitzetik puntu gehien dituzten lehen bi aurrelari eta atzelariak sailkatuko dira finalerdietara. Finalerdiak Etxaurin eta Getarian jokatuko dira, irailaren 17an eta 23an. Final handia berriz, Azkoitiko "Goiko losa" pilotalekuan izango da, irailaren 30ean.