Euskal Herrian jokatzen den lasterketarik jendetsuenetakoaren 59. edizioa igande honetan ospatuko da Donostian. Fortuna Kirol elkarteak antolatu du aurten eta badira berritasunak. AHTaren lanek eraginda, ibilbidean aldaketak egin behar izan dituzte. Ondorioz, inoizko Behobiarik luzeena izango da. 20 kilometro eta 196 metroko lasterketa izango da, hain zuzen ere.