Euskal Herri osoko taldeak biltzen dituen lehiaketa bere amaierara iritsiko da larunbat honetan. Goizeko 12:00etatik aurrera, Ordiziako Altamira zelaian, bi partidu jokatuko dira. Izan ere, txapelketako antolakuntzatik kanpoko ez ohiko egoerak, Biarritzen izan zen G7aren bilera hain zuzen, egutegi osoa aldatzera behartu zuen. Hori dela eta, Ordizian izango zen finala lau talderen artean erabakiko da. Beraz, Aviron Bayonnais, Biarritz Olimpique, Anglet eta etxeko taldea, Ordizia, bertan izango dira. Bi norgehiagoka hauek bukatzean egingo da azken sailkapena, eta txapeldunari zelaian bertan emango diote saria.