Javi Zabalak eta Unai Lasok Buruz Buruko Txapelketako finalerdia jokatuko dute maiatzaren 18an Labriten. Ligaxka igarota, lau dira 2024an esku profesionaleko koroa irabazteko hautagaiak. Jokin Altuna eta Javier Zabala, Aspekoak; Unai Laso eta Iñaki Artola, Baikokoak. Nafar bat, bi gipuzkoar eta errioxar bat. Bakoitza Labriteko (Laso-Zabala) eta Atano III.eko (Altuna-Artola) hitzordura egoera desberdinekin iritsiko da.

Gaur egin dute pilota aukeraketa, lau minutu eskasetan egin dute, bi sorta oso antzekoekin. Bakoitzak pilota biziago bat aukeratu du, eta beste bat lasaiagoa.