Danspirenaika, Pirinioetako dantza tradizionalaren topaketa, irailaren 27, 28 eta 29an iritsiko da Nafarroara, Erronkariko Izabara. Egitarauak hainbat dantza saio, klase eta tailer biltzen ditu. Topaketa Kurruskla elkarteak eta Aiko Taldeak antolatu dute, Biella Nuei Aragoiko taldearekin batera. Danspirenaikak dantza tradizionala jarduera dibertigarri eta osasungarri gisa sustatzeaz gain, bere balio kulturala ere nabarmentzen du.