Gasteizko Montehermoso jauregiak Nestor Basterretxearen ‘Euskal serie kosmogonikoa’ hartuko du ekainaren 27tik aurrera. Artistaren jaiotzaren mendeurrena ospatzeko egitarauaren barruan kokatzen da erakusketa hau. Haritz-egurrezko 18 eskultura dira Montehermoson ikusgai egongo direnak, euskal mitologiari begira daudenak. Izan ere, Jose Miguel Barandiaranen ‘Diccionario de la mitologia vasca’ liburuan oinarritutako lanak dira.