Benito Lertxundik agur esan die oholtzei sei hamarkadetan izandako ibilbide oparoaren ostean. Orioko bardoa, beraz, ez da oholtzetara itzuliko, baina ez du baztertzen musikarekin edo sormen artistikoarekin harremanean jarraitzea, eta horren erakusle, gaur aurkeztu duten ‘Benito Lertxundi Gernika Kontzertuan’ diskoa. Iazko azaroan Gernikako Jai Alai pilotalekuan eskainitako kontzertu gogoangarria jasotzen du diskoak.