2025eko ekainaren 14an Anoetan egingo duten emanaldirako 25.000 sarrera saldu dituzte dagoeneko. Kontzertua luzatuko dutela eta 10.000 sarrera gehiago eskainiko dituztela iragarri du Muguruzak. Sarrerak erosteko aukera zabaldu dute dagoeneko, www.muguruzafm.eus webgunean.
Goiko eraztuneko eserlekuetarako dira sarrerak, eta 38,50 euroko prezioa dute. Gainera, Muguruzarekin batera beste hainbat taldek ere joko dutela jakinarazi dute. Des-Kontrol, Bad Sound System, Niña Coyote eta Chico Tornado dira oholtzara igoko diren beste artistak.