Zinema Euskaraz programak 'Buffalo Kids' izeneko filma estreinatuko du abuztuaren 14an Bizkaia, Gipuzkoa eta Arabako aretoetan. Zinema Euskaraz programaren barruan aurten estreinatuko den film honen bitartez Zineuskadik euskal ikus-entzunezkoen sektoreari laguntzeko proiektua martxan jarri du. Eusko Jaurlaritzako Kultura eta Hizkuntza Politika Sailak zinema sektorean euskara sustatzeko pelikulak bikoiztea erabaki du haur eta gazteentzat besteak beste. Tom eta Mary, bi anaia umezurtz, New Yorken lehorreratu ziren XIX. mendearen amaieran. Osabarekin elkartzeko, Mendebalde Basatia zeharkatzeko tren batean polizoi gisa abenturatuko dira, eta Nick ezagutuko dute, beren bizitzak betirako aldatuko dituen lagun berri eta aparta. Elkarrekin bidaia arriskutsu batean murgilduko dira, gaizkileei aurre eginez, ustekabeko lagunak eginez eta egoera paregabeak biziz.