Begoña Gomezen defentsak helegitea aurkeztu du Begoña Gomez ikertzen ari den epaileak, Juan Carlos Peinadok, uztailaren 30ean Moncloa Jauregira Pedro Sanchez Espainiako Gobernuko presidenteari lekuko gisa deklarazioa hartzeko hartutako erabakiaren aurka. Gomezen defentsaz arduratzen den Antonio Camacho abokatuak "harrigarritzat" jo du Peinado epaileak sozialistari lekukotza ematera deitzeko hartutako erabakia.

Hala, magistratuari eskatu dio, Sanchez galdekatzeko asmoarekin aurrera jarraituz gero, idatziz egiteko aukera eman diezaiola, Espainiako gobernuburua den aldetik legeak aurreikusten duen bezala.

PSOEren arabera, kasu hau "eskuinak eta ultraeskuinak Gobernuko presidentearen eta haren familiaren aurka antolatutako jazarpen politikoa" da, eta PP eta Vox uztailaren 23ko hauteskunde orokorretan lortu ez zutena "maniobra ilunekin" lortzen saiatzen ari direla uste du.