Inbestidura aurrera ateratzeko akordio bat aztertzeko borondatea dutela esan dute, baina oraindik ez dagoela ezer itxita. Estebanen hitzetan topaketan “oro har” negoziatzen ari diren gaiak jorratu dituzte; hala nola, autogobernua edo errealitate sozioekonomikoa, linguistikoa eta kulturala. Era berean adierazi du EAJren asmoa dela diskrezio osoz jardutea xehetasun guztiak “argi eta garbi planteatzeko”.