Gaur gauean dozenaka palestinar hil dira Israelgo Defentsa Indarrek Rafah pasagunean egindako bonbardaketa gogor batzuen ostean. "Bidegurutzea gaur irekiko dute, baina ez dute ordua baieztatu", adierazi dute Egiptoko segurtasun iturriek. "Laguntza arabiarra eta egiptoarra" sartuko da zerrendan, eta atzerritarrei irteten utziko zaie. Hala ere, Egiptoko Gobernuak oraindik ez du informazio hori baieztatu.
Era berean, Israelek ukatu egin du Gaza hegoaldean su-etena adostu dutela. "Gaur egun, Gazako Zerrendan ez dago su-etenik edo laguntza humanitariorik atzerritarrak ateratzearen truke" adierazi dute.
Euskal Herri osoan hainbat mobilizazio egiten ari dira palestinarrei elkartasuna adierazteko.