Emmanuel Macron Frantziako presidenteak irabazi ditu Presidentziarako hauteskundeak. Macronek Marine Le Pen ultraeskuindarra garaitu du bigarren itzulian.

Boto emaileen %58,54ren babesarekin irabazi du Macronek. Baina, eskuin muturrak inoizko emaitzarik onena lortu du, botoen %41,46 eskuratuta. Abstentzioa, %28koa izan da, azken 50 urtetako abstentziorik handiena.

Barne Ministerioak zabaldutako datuen arabera, parte-hartzea % 72 ingurukoa izan da.

Ipar Euskal Herrian ere Macron nagusitu da, botoen % 65,5 lortuta.