Bonbardaketaren helburua Beiruteko Cola auzoko bizitegi-eraikin bat izan da, gehiengo musulman sunita duena. Hamasek Libanon duen burua hil da bonbardaketetan.
Libanoko hedabideen arabera, Jamaa al-Islamiya talde armatu sunitako kide batzuen aurkakoa izan da erasoa. Horrez gain, Palestina Askatzeko Fronte Popularrak ohar baten bidez jakinarazi duenez, haien milizietako hiru lider ere hil ditu Israelgo armadak Beiruten gaur egindako bonbardaketan.
Hiriburuaz gain, Libano hegoaldean eta ekialdean bonbardaketek ez dute etenik izan. Hassan Nasrallah Hezbollahko liderra ere hil du Israelgo armadak, Beiruten. Oraindik ez dute ekintza horri buruzko adierazpenik egin.