Komunikazio gailuen leherketa gehiago izan dira Libanon. Batez ere walkie-talkieek, eguzki panelek edota mugikorrek egin dute eztanda. Zauritu gehiago daude eta gutxienez hogei lagun hil dituzte. Osasun ministroak azaldutakoaren arabera, ospitalean artatutako gehienek zauriak eta erredurak dituzte aurpegian eta eskuetan. Zauri horiengatik anputazio asko egin behar izan dituztela ere jakinarazi du.
Gatazka “beste fase batean” sartu dela ohartarazi du Israelgo Defentsa ministroak eta Israelgo armadak Libanoko mugara mugitu ditu Gaza iparraldean zituen tropak. Armadaren operazioen "erdigunea" iparraldeko mugara mugitzen ari direla gaineratu dute. Testuinguru horretan, gatazka Ekialde Hurbilera zabaltzeko kezka zabaldu da nazioartean.