Israelgo Gobernua nazioarteko turismoa bultzatzen ari da Zisjordaniako lurralde okupatuetan. Nazioarteko legediaren arabera bertan eraikitako asentamenduak legez kanpokoak diren arren, sarean turismo zerbitzuak eskaintzen dituzten hainbat enpresak normaltasun osoz eskaintzen dituzte eremu horietan kokatutako kanpinak, hotelak, edo turismo esperientziak. Egoera honen aurrean, Palestinako lurralde okupatuetan turismo etikoa bultzatzeko gida bat egin du Israelen aurkako Boikota bultzatzen duen mugimenduak.