Abuztuko geldiadiaren ostean, ostegunean ekingo dio berriz bere jardunari Eusko Jaurlaritzak. Lehen Gobernu Kontseilua Donostiako Miramar Jauregian egingo da. Bileran, lehendakaria zein sailburu guztiak bilduko dira urte berrirako helburuak aztertzeko xedez.
Bi gai nagusi izango dira bileran: Osakidetza hobetzeko "herri ituna" adosteko elkarrizketak, eta EAEn politikagintzan aritzeko Legebiltzarreko taldeei proposatuko dien kode etikoa.