Palestinarekin Elkartasuna taldeak Gasteizen, Donostian, Bilbon eta Iruñean egin du deialdia azaroaren 29rako, ostiralerako, Israelekin harremanak haustea aldarrikatzeko. ‘Israelen desegitera bidean, harreman oro eten!’ lelopean, mobilizazioak Nazio Batuen Erakundearen zatiketa-planaren 77. urteurrena dela eta egingo dira. Taldearen arabera, 1947ko NBEren zatiketa-planak a erakusten du Israelen sorrera ez zela posible izango mendebaldeko inperialismoaren laguntzarik gabe, Estatu Batuen eta Europako potentziek Israelen hedapena eta indartzea salatuz.

Euskal Herriko gobernuak, enpresek eta beste eragile batzuek Israelekin dituzten harreman militarrak, diplomatikoak, komertzialak eta kultura- eta kirol-arlokoak salatzeko eta hauen aurka borrokatzeko kanpaina bat iragarri du Palestinarekin Elkartasuna taldeak, eta honen aurka mobilizatzeko eta borrokatzeko deia egin dute. 18:30ean dira deialdiak, Bilboko Federico Moyua plazan, Gasteizko Andre Maria Zuriaren plazan eta Donostiako Gipuzkoa plazan, eta 19:00etan Iruñeko Udaletxeko plazan.

Bestalde, Yala Nafarroak beste mobilizazio bat deitu du larunbaterako Iruñean, 17:30ean Golem zinemetatik abiatuta, giza eskubideen defentsan eta Israelen ekintzak gaitzesteko.