Skip to main content

Mikel Barrios presoa baldintzapeko askatasunean geratu da, eskumuturreko telematikoa kenduta

Politika

Etxeratek jakinarazi du asteazken honetan. 34 urteko iruindarra Alemanian atxilotu zuten 2017ean eta Estatu frantsesera bidali zuten, euroagindu baten bidez. Bost urteko zigorra ezarri zioten eta helegitea aurkeztu arren espetxera itzuli zuten 2020. urteko ekainean. Urte horretako urrian askatu zuten berriz, helegitearen erabakiaren zain baitzegoen, baina 2021ko urtarrilean kondena berretsi zuen Apelazio Auzitegiak eta geroztik zigorra betetzen egon da, etxean eskumuturreko elektronikoa eramanez.