Oposizioko taldeek Politika Orokorreko Osoko Bilkuran hartu dute hitza arratsaldean. Nerea Kortajarenak ohartarazi duenez, “gero eta sektore gehiagotan zabaltzen ari den ezinegona dago”. Osakidetzako itxaron-zerrendak eta eskola-garraioan irekitako gatazka aipatu ditu.

Elkarrekin Podemos-IUtik, Miren Gorrotxategik ere “norabide aldaketa” eskatu du, eta ohartarazi du “gobernu honen konfiantza krisia arlo publikoa uztearen ondorio” dela, Osakidetzaren egoera nabarmenduz.

Eneko Anduezak adierazi du arlo publikoaren defentsa lehenetsiko duten hezkuntza politikak behar direla.