Albisteak

Azken egun hauetan manifestazioan zein sare sozialetan jaso duten babes eta elkartasun guztia eskertu dute gaur 11/13 makroepaiketako auziperatuek.

Espainiako Estatuko presidente berria aukeratzeko egun bakar batzuk gelditzen direnean, Pedro Sanchezek ez du behar duen babesa lortu. Are gehiago, Kantabriako PRCren parlamentari bakarraren baietza soilik jaso du. Gauzak horrela, beste alderdiak hauteskunde berriei begira daude jada, eta beren estrategia lantzen hasi dira.

Auziperatuen artean abokatuak, bitartekariak eta elkartetako desberdinetako kideak daude, denak presoen eskubideen defentsan aritutakoak. Fiskaltzak 601 urteko espetxe zigor eskaera egin du denentzat eta guztira 177.000 euroko isunak ordaindu behar dituzte.

Sahar Khodayari Iraneko emakume gaztea hil da, bere buruari su eman ostean. Teheraneko epaitegiak sei hilabeteko espetxe zigorra ezarri nahi zion, gizonez jantzita futbol zelai batean sartzeagatik. Iraneko emakumeek debekatuta daukate, eta debeku hori mantenduko dutela iragarri dute agintariek. Sare sozialetan #BlueGirl mugimendua jarri dute martxan bertako emakumeen eskubideak defenda ditzaten eskatzeko.

Donald Trump Ameriketako Estatu Batuetako presidenteak John Bolton Segurtasun Nazionalerako aholkularia bota du astearte honetan, bien arteko desadostasunengatik. Bolton 2018an hartu zuen kargua. Hala ere, bere aurretik egon ziren Michael Flynn eta Mc Master baino gehiago iraun du. Hurrengoa, Trumpentzat, Laugarren Segurtasun Nazionaleko ahulkalaria izango da 3 urte hauetan.

Arratsaldeko 17:14ean hasi da aurtengo Diada eguneko mobilizazio nagusia Bartzelonan. Assemblea Nacional Catalana (ANC) erakundeak deituta, "independentzia helburu" lelopean egin dute ekitaldia. Kataluniako hiriburuko udaltzaingoak zabaldu duenez, 600.000 lagun izan dira manifestazioan. Antolatzaileen esanetan, helburua da independentismoak helburu bera erdiesteko duen aniztasuna sinbolizatzea. Zentzu horretan, lehen aldiz ez da mobilizazioan agintarientzako eta alderdientzako toki berezirik egon. Manifestazioa hasteko minutu batzuk falta zirela, Generalitateko presidentea den Quim Torrak nabarmendu du ekitaldia "arrakastatsua" izan dela, eta adierazi du independentzia "ekintza politikoaren erdigunea" izango dela hemendik aurrera.