Skip to main content

Albisteak

Politika

Erabakitzeko eskubidearen defentsa egingo du EH Bilduk Europan

n.Iturri, 2014-03-26

Herrien erabakitze eskubidearen aldeko bozgorailu izan nahi du Europan Euskal Herria Bilduk. Maiatzeko hauteskundeei begira, bere asmoen berri ematen ari da koalizio abertzalea. Gaur eskainitako agerraldian, espainiarra ez dela eredu posible bakarra nabarmendu dute. Bestalde, Espainiako Auzitegi Konstituzionalak Kataluniako subiranotasun adierazpena bertan behera uztea kritikatu dute.

 
Artea

Katapulta Plataformaren eskutik sortzaileen erakustaldiak izango dira asteburuan Donostian

L.Ferro, 2014-03-25

Katapulta Plataformaren helburua, ideiak eta talentua, berritzeko indarra eta ahalmena duten pertsonak bilatzea da, inguruko sormen gaitasuna ahalik eta gehien garatu ahal izateko. Proiektuaren aurkezpena egiteko hainbat ekimen antolatu dituzte asteburu honetako. Donostia 2016ko egoitzan, Easo kalean, denetariko diziplinak ikusi ahal izango dira kultur sistemaren ahuleziei aurre egiteko helburuarekin.

 
Politika

Ramon Jauregiren hitzetan nazionalismoak utzi eta Europako Estatu Batuak eraiki behar dira

N.Andres, 2014-03-25

Patxi Lopez PSE-EEko idazkari nagusiak agerraldia egin du Europako Batasuneko hauteskundeetarako zerrendan lehen postuak betetzen dituzten lau hautagaiekin batera. Hauen artean Ramon Jauregi izan da Bilboko agerraldian. Biek Europak duen garrantzia azpimarratu dute eta gaur egungo Europako ereduari 180 graduko bira eman behar zaiola adierazi dute. Jauregik Europako Estatu Batuak egiteko beharraren inguruan hitz egin du eta horrek gauza asko atzean uztea eskatzen badu, utzi beharko direla gaineratu du. Herriek identitate kontuak alboratu egin behar dituzte Jauregiren hitzetan, Europa batu baten alde egiteko.

 
Gizartea

Ekaineko giza katearen proba saioa egingo dute larunbatean Bilbon

B.Gartzia, 2014-03-25

Euskal Herriaren erabakitzeko eskubidea aldarrikatzeko ekainaren 8an Durango eta Iruñea lotuko dituen giza kateari begira, proba saioa egingo dute larunbatean Bilbon. Arte Ederren Museoa eta Casilla kiroldegia lotuko dituzte, eta ondoren ekitaldia egingo dute kiroldegian bertan. 16:30ean egingo da giza katea, eta 17:30etik aurrera ekitaldia.

 
Ekonomia

Kutxabanken aferan gezurretan aritu izana leporatu dio EH Bilduk EAJri

B.Gartzia, 2014-03-24

Kutxabanken aferan gezurretan aritu izana leporatu dio EH Bilduk EAJri. Koalizioak adierazi du CANekin egindakoa errepikatu nahi dutela EAJk eta PPk, pribatizazioaren bidea jarraituz eta gizarte ekintzaren arrasto guztiak ezabatuz. Bestelako eredu ekonomiko eta sozial justuago bat eraikitzeko deia egin dute.

 
Kultura

Musika Parkean ekimenaren edizio berria hastear da

L.Ferro, 2014-03-24

Datorren apirilaren 12an ekingo diote Musika Parkean-en edizio berriari. Aieteko parkean izango da. Eguerdiko ordubietatik aurrera Lauroba eta Howdy taldeak arituko dira zuzenean. Azken bost urteetan jende ugari bildu du Donostiako hainbat parke igaro dituen ekimen honek. "Piknik"-a eta musika aitzakia paregabea izaten dira udako egueraldia aprobetxatuz lagun zein senideekin biltzeko. Beste urteetan bezala, aurten, iraila bitarte, honako parkeetan izango dira kontzertuak: Benartegi baserrian, Kristina Enean, Miramar Jauregian, Ulian eta Urgullen.