Skip to main content

Albisteak

Galdakaok gaztetxe berria du

Argia: haria - ar., 2019-05-07 15:56
Larunbatean jabetu ziren gaztetxea bilakatu duten espazioaz. Okupazioa gauzatu duten asteburu berean jasandako jazarpen polizialaren berri eman dute astelehenean.
Kategoriak: Aktualitatea

Epaileak atzera bota du oposizioen auzian Osakidetza kaltetu gisa aurkezteko eskaera

Berria: gizartea - ar., 2019-05-07 15:23
Osakidetzak kaltetu gisa - herri akusazio gisa- aurkeztu nahi du bere oposizioen auzian, baina kasua ikertzen ari den epaileak atzera bota du eskaera, argudiatuta Eusko Jaurlaritzaren osasun zerbitzuak bere aurkako balizko kalterik ez duela frogatu. Ikerketak aurrera egin ahala halakorik erakutsiko balu, aukera izango luke auzibidean parte hartzeko. Yolanda Varona instrukzio epaileak uste du ...
Kategoriak: Aktualitatea

Zegonak aldatu egin du Euskalteleko bere kontseilaria

Berria: ekonomia - ar., 2019-05-07 15:21
Zegonak beste pauso bat eman du Euskaltelen. Funts britainiarrak aldatu egin du Euskalteko kontseiluan zuen kidea eta pisu handiko beste exekutibo batek hartu du Robert Samuelsonen tokia. Jose Miguel Garcia kontseilari berriak, besteak beste, Jazztel telekomunikazio konpainia espainiarren kontseilari ordezkaria izan zen bederatzi urtez (2006-2015), Orangek hura erosi aurretik. Garcia ...
Kategoriak: Aktualitatea

Biarritzen egingo den G7ren bilerarako kontrol polizial bereziko eremua handitu du prefetak

Argia: haria - ar., 2019-05-07 15:06
Hasieran adierazitakoa baino handiagoa izango da zaintza bereziko perimetroa Biarritzen, G7ak abuztuaren 23tik 26ra Biarritzen egingo duen goi-bileran. Hala jakinarazi du Pirinio Atlantikoetako prefetak asteartean publiko egin duen oharrean.
Kategoriak: Aktualitatea

Milioi bat animalia eta landare espezie hamarkada gutxitan desagertzeko arriskuan

Argia: haria - ar., 2019-05-07 14:53
IPBES Ekosistemen Zerbitzuei eta Biodibertsitateari Buruzko Gobernu Arteko Plataformak landutako txostenaren arabera, egungo bizi erritmoarekin jarraituz gero milioi bat espezie galdu daitezke datozen urteetan.
Kategoriak: Aktualitatea

Wa Lone eta Kyaw Soe Oo Myanmarko kazetariak espetxetik atera dira

Berria: mundua - ar., 2019-05-07 14:51
Reuters agentziako Wa Lone eta Kyaw Soe Oo kazetariek 2017an hobi bat aurkitu zuten hamar hilotzekin In Dinn herrian; Myanmarko armadak 2017ko udan eraildako rohingyen -talde etniko musulmana- gorpuak ziren. Bi kazetariak 2017ko abenduan atxilotu zituzten Rangunen, rohingyen hilketari buruzko erreportaje bat amaitu aurretik; haien lankide Simon Lewisek eta Antoni Slodkowskik bukatu zuten lana. ...
Kategoriak: Aktualitatea

Martín Villa Epaitu ekimenak José Luis Cano omenduko du, poliziak tiroz hil zuen iruindarra

Argia: haria - ar., 2019-05-07 14:48
1977ko amnistiaren astean, Rodolfo Martín Villa gobernazio ministroa zela, zazpi hildako eragin zituzten poliziek eta indar parapolizialek. Ahaztuak, Egiari Zor, Goldatu, San Fermines 78 gogoan eta Martxoak 3 elkarteek deitu dute ahanzturaren aurkako jardunaldia.
Kategoriak: Aktualitatea

Agortu dira Leurtzan anfibio eta narrastiak ezagutzeko txangoko lekuak

Argia: haria - ar., 2019-05-07 14:39
Goizeko eta arratsaldeko txandak beteta daude. Sentitzen dugu. Txangoaren kronika eta argazkiak egingo ditugu publiko eta beraz, oraingoan aukerarik izan ez duenarentzat espero dugu material hori lagungarri izango zaiola bere kasa Leurtzako urtegian anfibio eta narrasti bila aritzeko.
Kategoriak: Aktualitatea
Ekonomia

Gune plataformak duintasunaren aldeko kanpaina burutuko du

A.Azkue, 2014-02-03

50 erakunde eta eragile sozial baino gehiago biltzen ditu Gune plataformak. Hauen artean LAB eta ELA sindikatuak. Deitutako mobilizazioen bidez pobrezia eta prekarietatea handitzea eragin duten politikak errotik aldatzea exijitu nahi dute. Izan ere, eta bi sindikatuetako idazkari nagusiek azpimarratu duten bezala, pobrezia arazo politikoa da eta ez pertsonala.  Martxoaren 3an Bilbon burutuko den protestaren garrantzia azpimarratu dute. Egun horretan goi bilera ekonomikoa izango da Bizkaiko hiriburuan.

 
Gizartea

San Blas eguna ospatu dute hainbat herritan

N.Andres, 2014-02-03

San Blas eguna da gaur, eta, tradizioak dioen legez, San Blas opilak izango dira eguneko izarrak. Batez ere Abadiño (Bizkaia), Eibar eta Elgoibar (Gipuzkoa) inguruan ospatzen da festa. Euskal Herriko beste hainbat tokitaraino ere iristen dira gozoki horiek.

 
Alderdiak

EH Bilduk Josu Juaristi proposatu du Europarako hautagai

B.Gartzia, 2014-02-03

Josu Juaristi Gara-ko zuzendari ohia eta Zazpika-ko editorea izango da EH Bilduren proposamena Europako Legebiltzarreko hauteskundeetarako. Hautagai handia dela esan du koalizioak; batetik, kazetaritza ibilbide luzean Europako Batasunari buruz hartu duen formazioarengatik, eta, bestetik, Euskal Herriaz Europan eman dezakeen ezagutza eta ikuspegiagatik.

 
Politika

Herrien eta herritarren beharretara egokitutako udal antolaketa aldarrikatu du EH Bilduk

B.Gartzia, 2014-02-03

Espainiako Gobernuak ezarri nahi duen udalen erreformaren legearen inguruan, EH Bilduk herrien eta herritarren beharretara egokitutako udalen antolaketa aldarriaktu du. Udalen autonomia indartu eta hauen beharretara moldatuko diren legeen premia azpimarratu du koalizioak.

 
Langabezia

Enplegu gehiago baina ezegonkorragoa sortu dela dio EHUk

A.Azkue, 2014-01-31

Datu positiboak enpleguaren sorrerari dagokionean gaur ezagutu ditugunak. Izan ere, laugarren aldiz jarraian, Bizkaia, Gipuzkoa eta Araban enplegua sortu dela dio Euskal Herriko Unibertsitateak. 45.000 pertsonek enplegua aurkitu zutela jasotzen du "Euskadi" lan txostenak. Kontran sortutako enplegua  ezegonkorragoa dela erakusten dute datuek. Baita 25 urtetik beherakoek lan munduan duten lekua oso txikia dela ere.

 
Politika

Gazte auzipetuen hitza "Gu berriarena" bilakatu dute berrogei pertsona ezagunek

L.Ferro, 2014-01-31

Kultura, kirol zein politika arloko berrogei pertsona esanguratsuk "Gehiengo berriaren adierazpena. Gu berriarena" izeneko manifestua sinatu dute. Hain zuzen, gaur zuten urritik Madrilen epaituak izaten ari diren 40 gazteek hitza hartzeko azken eguna eta alegato hori euskal gizartearena bilakatu nahi izan dute adierazpen honekin. Iragana gainditu eta etorkizunerako zubiak, ilusio zubiak, justizia zubiak eraiki behar direla esan dute. Epaiketa garai eta lekuz kanpo dagoela baina era berean, honen emaitza bakerako urrats izan daitekela gaineratu dute.