Albisteak

Haurrei zuzendutako Musikarium proiektua aurkeztu dute gaur. Antzerki-musika-kontzertu didaktiko bat izango da Baga Biga-k, Oihan Vegak eta Xabi Zabala konpositore eta musiakriak bultzatutako ekimena.

21 dira guztira gaixotasun larriren bat pairatzen duten Euskal presoak, Jaiki Hadi mediku elakrteak atzo jakitera eman zuenez. Kopuruak nabarmen egin du gora azken hamarkadan, preso kopurua erdia baino gutxiagora murriztu den arren. 765 presotatik 9 ziren orduan gaixotasun larriren bat zutenak. Egun, esan bezala, 21 dira, preso kopurua 264ra murriztu den arren.

Etxerat-ek bat egin du Orain Presoak-ek urtarrilaren 12an Baionan eta Bilbon deitutako mobilizazioekin. Ondorioz, asteburu honetan zituzten bisitak egingo ez dituztela jakinarazi dute. Horrekin batera, eskakizun zehatzak egin dizkiote Pedro Sanchezen gobernuari: Gaixotasun larriak dituzten presoak askatzea, espainiar Estatuko espetxetan sakabanatuta daudenak Zaballan elkartzea eta zigorren batuketa aplikatzea. Hamaika Telebistak zuzenean eskainiko ditu Baiona eta Bilboko mobilizazioak.

LAB sindikatuak elkarretaratzea egin du Eusko Jaurlaritzak Bilbon duen egoitzaren aurrean. Irakasleen finkapen-sistema bertan behera uztea eskatu die Jaurlaritzari, aurten administrazioak sortutako proiektuak ordezko langileen lan-baldintzak prekarizatzen dituelako. Duela bi urte izandako mobilizazio eta grebek akordio bat erdiestera eraman zituen administrazioarekin, honek langileen egonkortasuna eta kontsolidazio prozesua ezarriko zuen. Adierazi dute aurten ez duela egonkortasunik ekarriko administrazioak aurkeztutako proiektuak.

Biarritzera joan da Jean-Yves Le Drian Kanpo Harremanetarako ministro frantsesa, 2019ko udan G7 taldeak bertan egingo duen goi-bilera prestatzeko lanen baitan. Segurtasun neurri handiak ezarri dituzten arren, tentsio uneak izan dira, herritarrek, tartean «txaleko horiek» eta Bizi! mugimenduko kideek, Macron-en dimisioa eskatuz kalean protesta egin eta Poliziarekin istiluak sortu dira hauek negar-gasa eta gomazko pilotekin kargak eginez.

Gernikan hartutako errefuxiatuek, 1936-ko gerratearen ondorioz atzerrira alde egin beharra izan zutenak omendu zituzten; Euskal Herria, harrera herri bihurtzeko kontzientzia pizteko nahia adieraziz.