Skip to main content

Albisteak

Kultura

Donostiako udal talde guztiek Donostia 2016rekiko konpromisoa erakutsi dute

L.Ferro, 2014-04-29

Donostiako talde politiko guztiek Donostia 2016rekiko konpromisoa erakutsi dute. Proiektua "Elkarbizitzarako Kultura, Herritarren energia olatuak" lelopean sortu zela gogoratu dute eta hain zuzen horixe aldarrikatzeko unea dela azpimarratu dute. Era berean, Donostia 2016 Fundazioa eratzen duten erakunde publikoei lanean jarraitzeko eskatu diete.

 
Politika

Gipuzkoako Foru Aldundiak Gipuzkoako ekonomia sustatzera bideratuko du 2013ko superabita

L.Ferro, 2014-04-29

Gipuzkoako Foru Aldundiak 2013ko kontuak onartu ditu. Hala azaldu du Larraitz Ugarte bozeramaileak goizean emandako prentsaurrekoan. Superabita 8,3 milioi eurokoa izan da eta Madrilek eman gabe zituen 58,1 milioi euroak gehietuz gero, 66,5 milioi eurora igotzen da kopurua. Diru hau Gipuzkoako ekonomia eta enplegua sustatzera bideratuko dituela iragarri du. Bestalde, Martin Garitano ahaldun nagusia, okerrik ezean, datorren astelehenean itzuliko dela lanera iragarri du.

 
Sindikatuak

ELAk dio Confebask-ek hankaz gora jarri duela zegoen negoziazio kolektibo sektorial apurra

N.Andres, 2014-04-29

ELA sindikatua kritiko agertu da Lan-Arloko 6. Auzitegiak Bizkaiko Ehungintzaren Merkataritzako hitzarmenari buruz emandako epaiarekin. Bizkaiadendak-ekin negoziazio-mahai berri bat eratu zuen ELAk, eta CECOBIk bere eskaeran azken hauen artean sinatutako hitzarmena baliogabetzea eskatzen zuen. Epaiak hala egin du. CECOBIren garaipen hau, guztiz "pirrikoa" izan dela esan du Joseba Villareal ELA sindikatuko ordezkariak.

 
Politika

Kataluniak hartutako norabidea izan dute aztergai San Telmon

I.Sarasua, 2014-04-29

Atzo egindako mahai ingurua "Norabidea" blogaren aurkezpen ekitaldia izan zen. Jaume Lopez politologoa, Rita Marzoa kazetaria eta Salvador Cardus soziologoa izan ziren protagonistak. Independentziaren aldeko hautuaz hitz egin zuten.

 
Politika

Euskal presoen espetxealdia luzatzeko beste irizpide bat adostu du Auzitegi Nazionalak

I.Sarasua, 2014-04-29

Bi epairen artean preso egindako denboraren likidazioak ez du eragin praktikorik izango gehienezko zigorra duten presoen kasuetan. Bi presoren eskaerei emandako erantzuna izan da, baina horien abokatuek jakinarazi dute helegitea aurkeztuko dutela eta Estrasburgora jotzeko prest daudela.

 
Euskara

Iruñeko haur eskoletan 306 ume euskarazko lekurik gabe geratuko dira

B.Gartzia, 2014-04-29

Iruñean gero eta gehiago dira haien seme-alabak euskaraz matrikulatu nahi dituzten gurasoak; eta horregatik, euskalgintzak 466 eskari aurkeztu ditu udal erregistroan. Euskalgintzaren helburua, Iruñeko haur eskola guztietan euskaraz matrikulatzeko aukera ematea da, eta ez Txantrea auzoko bi haur eskoletan besterik ez. Gurasoek haien eskutik protestak egin dituzte haien nahia zein den aldarrikatzeko.