Esneki ekologikoei buruz aritu gara 'Geltokia' saioaren lehen atalean. Anizeko 'Jauregia esnekia' proiektua bisitatu dugu Aitor Azkarateren eskutik, eta Kattalin Barber, Patricia Perales eta Jon Garayrekin izan gara solasaldian. Azkenik, Koldo Garciak piper pikillo beteak perretxiko bexamelarekin egiten erakutsiko digu.
'Bada garaia, euskara ofiziala eta kitto!' lelopean bi elkarretaratze, ekintza bat eta mobilizazio nagusi bat iragarri ditu Euskal Herrian Euskarazek. Apirilaren 22an ekintza iragarri dute Bardeetan. Mobilizazio nagusia maiatzaren 13an egingo dute, Iruñean. 12:00etan abiatuko da Konstituzio plazatik.
Nafarroan indarrean dagoen Euskararen Legeak herritarren hizkuntza eskubideen “zatiketa eta urraketa” eragin dituela salatu du EHEk. Hori bera salatzeko, iazko abenduaren 15ean ere elkarretaratze bat egin zuen EHEk, lege hori onartu eta 36 urtera.
Herrian Bizi plataformak etxebizitza eskubidearen aldeko manifestazioa deitu dute datorren larunbaterako, Baionan, 15:00etan.
Ainize Butron plataformako kideak salatu du etxebizitzaren arazoa ez dela berria Ipar Euskal Herrian, baina salatu du azken urteetan asko “larritu” dela: “Bigarren etxebizitzen kopurua asko emendatu da; etxebizitzen %20a turismora bideratzen da, eta gero eta jende gehiagok etxebizitzak erosten ditu urte guztian turismora bideratzeko”.
Butronek salatu du Ipar Euskal Herriko biztanleek gero eta zailtasun handiagoak dituztela bertan bizitzeko, eta etxebizitza eskubidea bermatzeko araubideak jarri behar direla nabarmendu du: “Espekulazio gehiegikeria horri etenaldia eman behar zaio”.
Intza Gurrutxaga Euskal Herrian Euskaraz elkarteko kidea elkarrizketatu dugu Hamaika Telebistan.
Nafarroan euskararen ofizialtasuna onartuko duen euskararen lege berri bat aldarrikatzeko, hainbat mobilizazio egingo ditu EHEk, eta mobilizazio nagusia maiatzaren 13an izango da Iruñean. Gurrutxagak azpimarratu du mobilizazio horien helburua dela aldarrikatzea euskara ofiziala izan dadila Nafarroa osoan.
Izan ere, Gurrutxagak salatu du euskararen zonifikazioaren legeak hirutan “zatitu” duela Nafarroa, eta nafarren hizkuntza eskubideak “urratu” dituela. Horren aurrean, beharrezkotzat jo du kalera irten eta horrelako aldarrikapenak egitea. EHEko kideak nabarmendu du hezkuntza “estrategikoa” dela “Euskal Herria berreuskalduntzeko prozesuan eta euskararen normalizazio prozesuan”.
Urriaren 8an eta 9an, Euskaltzale Independentisten Topaketak egingo dituzte Villabonan, “hausnartzeko eta euskaltzaleak elkartzeko”.
