Image

Saioak

All Stories

Mayaren ustezko jarraipenari buruz, Iruñeko EH Bilduren irakurketa

Maya alkatea hurrengo hauteskundeetan zerrenda buru gisa aurkeztuko ote den edo ez, galdera ikurren artean dago. Alderdi barruko arazoetan sartuko ez dela adierazi du Iruñeko EH Bilduk, baina argi dutela, eskuindarren “agerraldi tamalgarriak” Udalaren kudeaketak duen paralisia areagotzen duela, eta horrek asko kezkatzen dituela.

Deskarbonizaziorako bidean ekonomia zirkularra ardatz, Basque Circular Summit ekitaldian

Ekonomia zirkularraren inguruan hausnartzeko aukera izango da Irungo Fikoban azaroaren 25era bitartean. Ekonomia zirkularra, finantza jasangarriak, deskarbonizazioa, ekodiseinua eta ekoberrikuntza dira ardatz nagusi. Europako Itun Berdea lehen planoan izango da Basque Circular Summit ekitaldi handian.

Ekintzaile klimatikoek kontzertu bat eten dute Hamburgoko Elbphilharmonie aretoan

Last Generation ingurumen-ekintzaileen taldeko kideak orkestra bateko zuzendariaren atrilari itsatsi dira. Hamburgoko Elbphilharmonie kontzertu-aretoan izan da, gauean musika klasikoko kontzertu bat eman aurretik.

"Beethovenen biolinerako kontzertu bakarra dagoen bezala, planeta hau baino ez dugu, eta horren mugak gutxietsi egiten ditugu, klimarekin lotutako hondamendiak gero eta sarriago eta hilgarriagoak baitira", dio ekintzaile batek erakundeak zabaldutako bideoan. Berebat, adierazi dute Hanburgoko portuan dagoen eraikin enblematikoa arriskuan egongo litzatekeela uren mailak gora egiten jarraitzen badu. Geroago, orkestra-zuzendariaren tribunako barandatik askatu eta atxilotu egin zituzten.

Voxek lerro guztiak gurutzatu ditu Irene Monterori Diputatuen Kongresuan egindako eraso matxistekin

'Soilik bai da baietz' legeak zatiketa handia eragin du Parlamentuan. Aste honetan, hainbat akusazio egin dira Irene Montero Berdintasun ministroaren aurka, epaileak "matxistatzat" jo baititu.

Voxek Diputatuen Kongresuan duen diputatu batek gogor egin du Berdintasun ministroaren aurka, Sexu Askatasunaren Lege Integrala onartzeagatik. Monteroren erantzunak hainbat talde parlamentarioren txalo zaparrada jaso du, hala nola PSOE, ERC, EH Bildu edo Ciudadanosena. Hainbat politiko izan dira Irene Monterori sare sozialetan babesa adierazi diotenak.

Autodeterminazio eskubidearen arautzea aldarrikatu du Gure Eskuk, Eskoziako kasuari begira

Gorte Gorenak aho batez ebatzi du Eskoziako Parlamentuak ez duela erreferendum berri bat antolatzeko legeak egiteko ahalmenik. Gainera, defendatu du, kontsulta-izaera izan arren, "ondorio politiko garrantzitsuak" izango lituzkeela, eta gai erreserbatu bati eragiten diotela.

Josu Etxaburu Gure Eskuren bozeramaileak balorazio bat egin du asteazkenean Bilbon. “Ziurtasun osoa dugu eskoziarrek bigarren erreferenduma egin egingo dutela. Ziur gauden moduan euskal herritarrok ere hori egingo dugula” adierazi du.

Ebazpenaren ostean, bi hausnarketa plazaratu ditu Etxaburuk. Alde batetik, autodeterminazio eskubideari buruzko auzia Europa mailan jokatu behar dela eta Europak baduela zer esana.
hamaika telebista

11 laguntzaile

Image