Ituren eta Zubietako inauteriak, oro har, urtarrileko azken igandearen ondorengo astelehen eta asteartean ospatzen dira. Astelehen goizean, Zubietako joaldunak Iturenera joaten dira, eta han Aurtitz auzoko Joaldunak eta Ituren elkartzen dira. Hurrengo egunean, ekitaldia errepikatzen da, baina alderantziz, Iturengo joaldunak dira zubietarrak bisitatzen dituztenak.

Ospakizun honen jatorria ez da ziurra, baina antzekotasun asko ditu maskarak eta zintzarriak elementu nagusiak diren beste ospakizun batzuekin. Minutu batean bildu ditugu Ituren eta Zubietako inauterien inguruko bitxikeriak.

Protesta egun handia dute Ipar Euskal Herrian pentsio erreformaren kontra. Astelehenean Frantziako Asanbleara heldu zen egitasmoa, eta Elisabeth Borne lehen ministroak esanda du erretiroa hartzeko gutxieneko adina 64 urtera igotzeko plana negoziaezina dela. Baionan 10etan mobilizazioa abiatu da, Frantziako Estatuan 200 bat manifestazio daude deituta. Poliziaren informazio zerbitzuen aurreikuspenen arabera, manifestari gehiago espero dira.

Otsailaren 11n Emakume Zientzialarien Eguna ospatzen da eta otsailaren 8tik 17ra bitarteko astean egingo dira Emakumeak Zientzian 2023 ekimenaren jarduerak. 50 ekintza eta sorpresa baino gehiagoko programa zabala diseinatu dute. Hainbat zentro berri gehitu direnez proiektura, era askotako ikerketa-eremuak jorratuko dira, “zientzia bada nesken kontua” mezua ahalik eta pertsona gehienei helarazteko. Gainera, edizio honetan, Bizkaiko erakundeen parte-hartzeari esker, eremu geografikoa zabaldu da eta ekintzak Gipuzkoan eta Bizkaian egingo dira, hiriburuetan batez ere.