Amaia Mayor SATSE sindikatuko ordezkaria elkarrizketatu dugu Hamaika Telebistan. Kutsatze kasuen apaltzea atzematen ari da gizartean, eta Mayorrek berretsi du erietxeetan ere hala dela. Hala ere, Santa Marinako ospitalean agerraldia izan da, eta Mayorrek dioenez, behin behineko langileetako batzuk ez daude txertatuta eta horren ondorioz, kutsaketak gerta daitezke. Hain zuzen, azpimarratu du behin behinkotasuna sektore publikoko arlo askotan dagoela, eta hori dela eta, greba deialida egin dute apirilaren 22rako.
Txertaketa kanpainari dagokionez, "oso kritikoak" izan dira txertaketa kanpainaren estrategia "ezagatik". Sindikatuko ordezkariak azpimarratu du ESIen arteko ezberdintasunek ezinegona sortu dutela langileen artean.
Ibon Caballero Tubacex enpresako langilea elkarrizketatu dugu Hamaika Telebistan. Greba mugagabean daude duela hiru astetik Tubacexeko langileak, enpresak iragarri dituen 150 kaleratzeei aurer egiteko. Caballerok dioenez, %100 jarraipena izaten ari da. Gaur goizetik bilduta daude enpresaren zuzendaritza eta langileen ordezkariak, baina oraindik berririk ez dutela nabarmendu du. Datorren asteazkenean amaitzen da negoziaketarako epea, eta ordurako zerbait lortzea espero duela adierazi du.
Hego Euskal Herrian, orotara, paperik gabeko 12.621 adingabe daude; Europako Batasunetik kanpoko jatorria duten familietako haur guztien %25,91 dira horiek. Horrek esan nahi du Hego Euskal Herriko familia migratzaileetan bizi diren lau umetik bat egoera irregularrean dagoela. Baina horrek zer suposatzen du?
Iruñerriko 90 urtetik gorako biztanleen txertaketarekin hasi dira gaur, eta aste honetan hasiko dira Lizarraldean eta Tuteran ere. Datorren astean, berriz, beste eskualdeetan hasiko da kolektibo horretako kideen immunizatze prozesua.
Iker Kasanova EH Bilduko legebiltzarkidea elkarrizketatu dugu Hamaika Telebistan. Pandemiak eragindako krisi ekonomikoa aztertu dugu legebiltzarkidearekin, eta hiru eremutan jarri du arreta: zerbitzuak, industria eta sektore publikoa. Zentzu horretan, azpimarratu du politika pubiliko indartsuagoak bultzatu behar direla hiru eremuetan. Hala ere, azpimarratu du Araba, Bizkaia eta Gipuzkoako langabeziak datuak "beti" izan direla altuegiak herrialdeko industriarekin alderatuta, eta hori, "industria politika sendo" baten falta dela dio.
Kasanovak azpimarratu du EH Bildu "lehenengo" alderdia izan dela murrizketak ezartzea ezinbestekotzat jo duena, baina onartezintzat jo du murrizekta horiek efektu guztiak afektatu gainean uztea. Hori horrela, ezinbestekotzat jo du laguntza ekonomiko sistema egonkorra, eta murrizketek eragindako baliabide faltari erantzuteko nahikoa izatea.
Azken egunetan, lan-gatazkak pil pilean dauden enpresen egoera izan du hizpide eta nabarmendu du ezin dela onartu milioiak eta milioiak irabazi ondoren, horrelako neurri "gogorrekin" erantzutea. Ertzaintzaren jarrera izan du hizpide, eta adierazi du gomazko pilotak ez direla "berreskuratu" behar, eta beste materialez egindako pilotak ere "desagertu" egin behar direla adierazi du. Era berean, adierazi du Ertzaintzari "proportzionalki" jokatzea eskatu behar zaiola. Era berean, azpimarratu du enpresariek krisi "koiuntural" hau baliatu nahi dutela langileen lan baldintzak okertzeko: "Urte askotan lan baldintza onak lortu dituzten langileak kaleratu nahi dituzte, egoerak hobera egiten duenean behin behineko langileak kontratatzeko".
Ongizarte energetikoari buruzko legea izan du hizpide, eta nabarmendu du Araban, Bizkaian eta Gipuzkoan 200.000 pertsona daudela "etxea berotzeko" baliabiderik ez dutenak: "Ongizate energetikoak eskubidea izatea proposatu dugu", zehaztu du.
Tortura ere izan du hizpide, eta nabarmendu du torturaren "existentzia" bera aitortu behar duela Estatuak, "Estatu politika bat izan zela onartu". Ezinbestekotzat jo du hori torturen biktimen egiaren eta erreparazioaren bidean; izan ere, azpimarratu du oraindik ere batzuk lehenengo eta bigarren mailako biktimak ezberdintzen "tematzen" direla. Era berean, 1976ko martxoaren 3an Gasteizen izandako "sarraskia" izan du hizpide, eta nabarmendu du biktima horiei "zor" zaien oroimena bizirik mantentzen duela herriak, zenbait alderdi politiko eta gobernuen jarrearen gainetik.
Txertaketa kanpaina izan du hizpide, eta nabarmendu du dagoeneko badaudela nahikoa ebidentzia lehenengo dosiak emaitzak onak ematen dituela ikusteko. Era berean, ulertezintzat jo du zein baliabide gutxi jarri dituzten txertaketa kanpaina aurrera eramateko, eta baita txertatzeko egin dituzten lehentasun zerrendak ere.
Madrilgo eta Kataluniako egoera politkoari buruz galdetuta, azpimarratu du hau ez dela beren Madrilgo Gobernua, baina momentu honetan "alternatiba bakarra" iruditzen zaiela. Zentzu horretan, adierazi du ez dutela "ezer" egingo Gobernua "desestabilizatzeko". Kataluniako egoerarekin "itxaropentsu" dagoela dio, baina zailtasun handiak izango direla nabarmendu du.
Austria eta Dinamarkak iragarri dute Israelekin elkarlanean jardungo dutela hemendik aurrera Covid-19aren aurkako txertoarekin zerikusia duten gaietan. Sebastian Kurz Austriako Kantzilerrak eman du albistearen berri. Ostiral honetan bilduko da Kurz Benjamin Netanyahu lehen ministro israeldarrarekin.
Austria eta Danimarka ez dira Brusela txertoaren banaketan egiten ari den kudeaketa kritikatu eta Batasunetik at txertoak euren kontura lortu nahian dabiltzan lehenengo estatuak. Atzo bertan Poloniak Txinari eskatu zizkion txertoak eta Eslobakiak Sputnik V txertoaren 2 milioi dosi erosi zizkion Errusiari. Horri igande honetan Hungariara iritsitako Sinopharm etxe txinatarraren txertoaren dosiak gehitu behar zaizkio.
Azken 24 orduetan 366 positibo berri atzeman ditu Osakidetzak, 8.514 test diagnostiko egin ondoren. Kopuru hori aintzat hartuz, positibotasun tasa %4,3koa da. Lurraldeka aztertuz, Araban 62 kutsatu berri detektatu dituzte, Gipuzkoan 110eta Bizkaian atzeman dira positibo gehien beste behin, 190. Edonola ere, egoera epidemiologikoa hobera egiten ari da eta EAEko intzidentzia metatua 100.000 biztanleko 251koa da. Hala ere, aipatzeko da koronabirusaren agerraldi bat atzeman dutela Bilboko Santa Marina ospitalean.
Guztira, pilota mistoarekin jokatuko den torneoan, goi mailako hamasei pilotari arituko dira, zortzi bikotetan banatuta arituko dira. Txapelketa martxoaren 6an hasiko da Altsasun eta finala apirilaren 4an lehiatuko da Irungo Urantzu frontoian. Iazko txapeldunak, Leire Garai eta Maite Ruiz de Larramendi ez dira batera arituko eta horrek faboritoen zerrenda handitzen du. Hala ere, begirada guztiak Iera Agirrek eta Maite Ruiz de Larramendik berak osatzen duten bikoan jarrita daude.
