Gurean Gaur

All Stories

Uxue eta San Martin Unx inguruko sutea norbaitek nahita eragin zuela esan du Remirezek

Nafarroako Gobernuak suteek eragindako kalteen balantzea egin du, eta kaltetutako jabetza publiko eta pribatuak berreskuratzeko konpromisoa nabarmendu du. Orotara, 15.000 hektarea kaltetu ziren eta Javier Remirez presidenteordeak iragarri du Uxue eta San Martin Unx inguratu zituen sutea nahita piztu zutela. Gainontzeko suteak, hainbat faktorek piztu zituzten. Hala nola tximistek, nekazaritza-jarduerak edo trenaren txinpartek.

Arturo Campion euskaltegia eta 'Periferiaren mugak' dokumentala Klik Batean saioan

Arturo Campion euskaltegiaren 50 urteotako ibilbidea ezagutu dugu Nekane Otamendi eta Xabi Martinez de Lezea bertako bi kiderekin. Horrez gain, 'Periferiaren mugak' dokumentala ekoitzi duten Irati Egibar, Irene Zaldua eta Ekhiñe Aizkorbe elkarrizketatu ditugu. Euskararen hainbat errealitate jaso dute Periferiaren mugak dokumentalean, Euskal Herriko periferietako herrietako euskararen egoera ikertuz. Dokumentala nahieran ikus dezakezu hemen.

Bizkaiko metalgintzako grebak %85eko jarraipena izan du, sindikatuen arabera

Bizkaiko metalgintzako grebak %85eko erantzuna izan du, sindikatuen arabera. FVEM patronalaren arabera, aldiz, erantzuna %29koa izan da. Bizkaiko metalgilaren greba ELA, LAB CCOO eta UGTek deitu dute, bihar ere greba eguna dute. Sektoreko 52.000 langile daude deituta lanuztera hitzarmenaren blokeoa salatzeko.
hamaika telebista

11 laguntzaile

Image