Hauteskunde hauek zenbait aldaketa ekarri dituzte eta datozen asteetan egingo diren negoziaketek ere zeresana izango dute. Hondarribiaren kasua ere esanguratsua da. Azken hamarkadan EAJ egon da agintean, baina tradizio hori hautsi eta 17 eserlekutatik 7 eskuratu ditu Abotsanitz herri plataformak. Hori hala, alardean aldaketak egotea espero da.

Migratzaileek jasaten dute tratua salatu dute Bilbon. Migratzaileak gaizkile bezala tratuak direla ohartarazi dute Deustuko Erriberako Janari Saskiak, Atxuri Harrerak, SOS Arrazakeria Bizkaia eta Ongi Etorri Errefuxiatuak elkarteek.

Euskal Eskola Publikoaren Jaiaren 30. edizioa ospatuko da datorren igandena Mungian, Jagon eskola publikoa lelopean, eta gurekin izan dugu Lurdes Imaz EHIGEko koordinatzailea. Imazek nabarmendu du programa zabala prestatu dutela iganderako zein larunbaterako: “Esfortzu handia egin dugu herritarrek asteburu pasa polita pasatzeko aukera izan dezaten”.
Imazek nabarmendu du eskola publikoa “babestu” egin behar dela “herri honen altxor handia” delako, eta garrantzitsutzat jo du eskola publikoen arteko saretzea bultzatzea ere: “Mungialdeako sei eskola publikok hartu dute parte antolakuntzan, eta garrantzitsua da eskola publikoak elkarrekin aritzea eskola publikoaren sare indartsua eskaintzeko herritarrei”.

Bizkaian ere EH Bildu alternatiba da. Eta lurraldean sinesgarritasuna zein zilegitasuna duela koalizioak adierazi du Iker Casanova alderdiko Bizkaiko Foru Aldundiko hautagaiak. EH Bilduk Bizkaian 17.000 bozka gehiago lortu ditu, eta koalizioaren ustez, horrek esan nahi du abstentzioa diferentziala izan dela.

Hamabi urte eta lau hilabeteko espetxe zigorra ezarri zioten, baina gehienez bederatzi urte emango ditu kartzelan. Hala ere, De Miguelek hiru egun ditu erregu helegitea jartzeko. Kondenatuak Espainiako Zigor Kodeko 80. artikulua aplikatzeko eskatu zuen, espetxe-zigorra saihesteko, baina ez diote eskaera onartu.

Ez da espetxean sartzea saihesteko alegazioak aurkeztu dituen bakarra. Koldo Ochandiano eta Aitor Telleria burukide ohiek osasun-arazoak argudiatu dituzte espetxeratuak ez izateko, eta azterketa medikoaren zain daude.

Araban EAJk irabazi du Batzar Nagusietan baina batzarkide kopuruan atzera egin du. EH Bilduk datuak hobetu ditu. 19 udalerritan irabazi du EH bilduk, Gasteizen Rocio Viterok Gorka Urtaran ordezkatuko luke.