Gurean Gaur

All Stories

24 urte igaro dira Egin egunkaria eta irratia itxi zituztenetik

Duela 24 urte itxi zuten Egin egunkaria eta Egin Irratia, Baltasar Garzon Espainiako Auzitegi Nazionaleko epailearen aginduz. Jose Maria Aznar Espainiako Gobernuko presidentea zen orduan.

Egin-en erredakzioan sartu ziren 200 polizia armatu Hernanin. Administrazio-kontseiluko hamaika pertsona atxilotu eta 18/98 prozesuan zigortu zituzten, ETArekin lotura zutelakon.

Euskal komunikabideen aurkako ekintza gehiago etorriko ziren gerora, "dena ETA da" argudioa erabilita. Auzitegi Gorenak itxiera bidegabekotzat jo zuen Egin itxi eta 11 urtera. Hala ere, hamaika arduradunek urteak egin zituzten espetxean eta hedabideok ez ziren inoiz berriro ireki.

Biharamunean Euskadi información egunkaria atera zuten langileek, eta 1999ko urtarrilean Gara sortu zuten.

Baso-sute arriskua oso altua izango da, bero boladaren eta hego haizearen eraginez

Bero-bolada eta hego haizea dela eta baso-sute arriskua oso altua da. Ia Araba osoa eta Nafarroa alarma gorria dago ezarrita, eta Bizkaia eta Gipuzkoa barnealdean alerta laranja dute indarrean.

Alerta laranjan murrizketak eta debekuak landa-lurzoruan edo lurzoru urbanizaezinean aplikatuko dira 13:00etatik 21:00ak arte. Alarma gorriko egoeran, murriztapen guztiak 24 orduz ezarriko dira.

Alerta ezarrita dagoen eremuetan debekatuta dago sua erabiltzea edo sua eragin dezaketen jarduerak egitea.

Termometroak 40 gradura iritsiko dira Euskal Herrian sute arrisku handiarekin

Asteburu honetan termometroak 40 ºC-ren bueltan ibiliko dira Euskal Herriko zati handi batean. Hori hala, Pirinio Atlantikoetako Prefeturak kanikula bidezko zaintza horia aktibatu du astelehenera arte, Lapurdin, Nafarroa Beherean eta Zuberoan. Datozen egunetan ia herrialde osoan baso-suteak izateko arrisku handia dagoenez, kontu handiz ibili behar dela berretsi du Nafarroako Gobernuak. Eta Eusko Jaurlaritzak larunbatera arte luzatu du alerta laranja, Araban, Bizkaian eta Gipuzkoan tenperatura oso altuak espero baitira.

Gipuzkoako adinekoen egoitzetako langileek lurraldeko erresidentzien errealitatea salatu dute

'Gaixoa zu, egoitza batera joan behar baduzu' kantatzen, Sanferminetako 'Gaixoa ni'-a Gipuzkoako Diputazioaren aurrean irudikatuz, egoitzetako langileek lurraldeko erresidentzietako errealitatea salatu dute. Horrez gain, Gipuzkoako adinekoen egoitzetako patronalek premiazko negoziazio mahaia deitu dute 261 greba egunean.

Juantxo Agirre: 'Auzolanez eraiki dugu historia eta auzolanez eraikitzen ari gara etorkizuna'

Amaiurko gazteluaren setioaren bosgarren mendeurrena dela eta, ekitaldi instituzionalak izango dira Iruñean asteburu honetan. Amaiur Gaztelua Elkarteko kidea den Juantxo Agirrerekin solastu gara, gazteluak egun duen garrantziaz eta sinbolismoaz, eta gazteluaren berreskurapenean herritarrek izan duten paperaz.
hamaika telebista

11 laguntzaile

Image