Abenduaren 3tik 12ra bitartean ospatuko da BBK Mendi Film Festival. Tartean, 11 euskal film izango dira aurtengo programazioan. Aitor Elduaien, Mendi Film Festivaleko komunikazio arduradunak eman dizkigu xehetasun guztiak.

Vero Satrustegi kazetariak Hego Amerikako azken berrien errepasoa egin du. Honduraseko hauteskundeak, Kastrismoaren garaipena Venezuelan, Kolonbiako bakea sinatu zenetik bost urtera egin daitekeen balantzea eta Mexikoko mugimendu zapatista Euskal Herrira egindako bisita izan ditu hizpide.

Azken hiru hamarkadotako abestien bertsioak jaso ditu Jon Maiak liburu-disko batean. Izan ere, aurten 30 urte betetzen dira bertsolari eta idazle gipuzkoarrak musika talde bati letra ipini zionetan. Harrezkero, 170 kanta inguru jorratu dizkie Euskal Herriko musika talde nahiz bakarlari desberdinei. 'Kantu bat gara' diska-liburuak "gustatzen zaidan Euskal Herria islatzen" duela azaldu du, "daukagun panorama zabalaren lagin bat" dela, alegia. Lan honetan hainbat kolaboratzaile eta musikari biltzea, lagunak biltzea, "izugarria" izan dela adierazi du.

Gazteek euskarari eta euskarazko kulturari buruz duten pertzepzioa ikertu du Naroa Jauregizuria Ahize-AEK-ko teknikariak, #Damolat proiektuari hasiera emateko. Ikastolen Elkartea unitate didaktikoa diseinatu du eta Bizkaiko Foru Aldundiak finantzatu du. Egitasmoaren nondik norakoak eta ikerketaren ondorioak azaldu ditu Jauregizuriak.

Lurralde Antolamenduaren Legea moldatu nahi dute EAJk eta PSEk, “Interes Publiko Goreneko” proiektuen inguruko erabakiak udalei kendu eta Jaurlaritzari emanez. Moldaketaren aurka mobilizatzera deitu du Araba Bizirik plataformak, ostegunean. Iñigo Leza kideak azaldu du lege moldaketa honek ekar ditzakeen ondorioak.

 

 

 

EHUko arreta psikologikorako zerbitzuaren arduraduna da Fernando Tapia, eta ohartarazi duenez arreta psikologikoa eskatu duen ikasle kopuruak goraka egin du. Horren atzean zer dagoen aztertu du.

Aiara de Urreta lankideak eman ditu ekonomia alorreko berrien gaineko informazioa. Pentsiodunen mugimenduak kaleak hartu dituela astelehen honetan, asteazkenerako euskal gehiengo sindikalak deitutako manifestazioa, eta petrolioaren erabileraren hazkundea izan ditu hizpide.

Mireia Saiz Argitan Barakaldoko talde feministako kidea elkarrizketatu dugu azaroaren 25 honetan. Taldetik egiten duten lanaren berri eman du, eta egungo egoeraren erradiografia ere. Mugimendu feministak "gauza asko" lortu dituen arren, oraindik ere "bide luzea" dagoela egiteko salatu du.