Image

Gure begiz

All Stories

Vero Satrustegi: 'AEBra bidean doazen migranteek korridore humanitarioak eskatu dituzte'

Mexikoko presidentearen eta AEBko presidentea den Joe Bidenen arteko bilera iragarri dute datozen egunotan; eta migrazioa izango da gai-zerrendako arlo nagusietako bat. Bien bitartean, migrazio fluxuek ez dute etenik. Berriki abiatu da AEBrantz Mexikotik beste karabana bat, eta igarobide seguruak eskatu diuzte Texasen gertatutakoa ekiditeko.

Testuinguru honetan, AEBko Auzitegi Gorenak Bideni argi berdea eman dio Trumpek abiarazitako 'Mexikon geratu zaitez' migrazio politikak bertan behera uzteko. Honek irekitzen duen bideaz aritu da Vero Satrustegi kazetaria.

Asier Blas: 'NATOren birfundazio honetan Europar Batasuna izango da galtzaile'

NATOren goi-bileraren helburua da Aliantzaren estrategia berria adostea. Hartuko diren neurrien artean badira aurreikuspenak; alor militarrean inbertsioak handitzea edota Errusiarekin mugan dauden herrialdeetan 300.000 tropa alerta gorenean ezartzea.

Goi-bilera honen gakoak eman ditu Asier Blas EHUko zientzia politikoko irakasleak. Besteak beste, honen ondotik Europa AEBra "ainguratuta" geldituko dela azaldu du; eta besteak beste, ekonomikoki ondorioak pairatuko dituela Europak Eurasiatik isolatuta geldituta.

Suedia eta Finlandian NATOn sartzeko Turkiak kendutako betoari buruz adierazi du Errusiak hori gertatu zitekeela bazekiela; baina gai honetan aztertu beharrekoa Kurdistanekin lotuta izango dituen ondorioak aztertzea komeni dela. Aliatuak galdu dituelako, eta hemendik aurrera PKK alderdia zein YPG miliaziak terroristatzat joko dituztelako.

Oro har, gastu militarraren handitzea hartuko diren erabakien artean da, baita Europa ekialdeko mugetara 300.000 soldadu bidaltzea "alerta gorenean"; hori horrela, gerra nola amaitu baino, gerra nola egin adosten ari direla gaineratu du.

Zuriñe Rodriguez: 'Askotan, herri txikiak infernu handia izaten dira LGTBI kolektiboarentzat'

LGTBI herritarren errealitateari buruzko diagnostikoa egin dute Legorretan, herri "bizigarriago" bat sortzeko asmoz. Legorretako Udalak sustatu du proiektua, Sudergintza eta Hiruki Larroxa kooperatiben eskutik, eta Emakundek diruz lagunduta. Ekimenari buruzko xehetasunak eman ditu Zuriñe Rodriguez Sudergintzako kideak.

Martxelo Diaz: 'Suteak aldaketa klimatikoaren ondorio dira, neurriak hartu behar dira'

Nafarroan azken egunotan piztutako suteak egonkortze fasean sartuta, horien kausa politiko zein sozialak aztertu ditu Martxelo Diaz kazetariak.

Nafarroako Gobernuak larrialdi aurreko egoera larunbatean ezarri ez zuen ezarri, Diazek azaldu duenez, "behin suteak hasita jarri zuen", eta hori "kezkagarria" dela gaineratu du. Dena den, aldaketa klimatikoan jarri nahi izan du fokua, eta aurrerantzean gertatu daitekeenaren aurrean hartu beharreko neurrietan.

Agurne Gaubeka: 'Gaztelania inposatzen digute, politika alorrean zein gizarte mailan'

Agurne Gaubeka Hizkuntza Eskubideen Behatokiko zuzendariarekin euskararen egoera aztertu dugu azken berriei lotuta. Madrilgo Diputatuen Kongresuan hizkuntza koofizialetan hizt egiteko eskaera baztertu izana, EAEko enplegu publikoen deialdietarako eskatzen den profil linguistikoa eta honek gizartean suposatzen duena, eta Kontsumitzaileen lege-proiektu berriaz.
hamaika telebista

11 laguntzaile

Image