Gure begiz

All Stories

Eguzki Urteaga: 'Oposizio bikoitza izango du Macronek, ezinbestean negoziatu beharko du'

Ipar Euskal Herrian, Frantziako Asanblea Nazionalerako hauteskundeetan bozkatzera deituta zeuden hiru hautesbarrutietan, Macronen koalizioa gailendu da, oro har. Laugarren barrutian hala ere, eta Jean-Luc Melenchonen NUPES ezkerreko aliantza nagusitu da bertan.

Frantziar Estatuari dagokionean, Macronek gehiengo osoa galdu du; NUPES ezkerreko koalizioak ordezkaritza bikoiztu du; baina aipatzekoa ere Marine Le Pen ultraeskuindarraren hazkunde esanguratsua.

Eguzki Urteaga soziologoarekin aztertu ditugu emaitzok.

Iñigo Aduriz: 'Etxeko langileen lan eskubideak aitortzea aurrerapauso handia da'

Iñigo Aduriz Eldiario.es-eko kazetariarekin jorratu ditugu zenbait berri. Etxeko langileei euren sektoreko lan eskubideak berretsi zaizkie, Kongresuak LANEren 189 hitzarmena berretsita. Honek suposatuko duenaz eta oraindik dauden erronkei buruz aritu da Aduriz.

Bestalde, aste honetan indarrean sartu da elektrizitatearen prezioa jaisteko helburuarekin gasaren prezioa mugatuko duen neurria; baina, bero-bolada dela eta, momentuz, ez da aldaketa nabarmenik, Adurizek azaldu duenez.

Sahararekiko Sanchezen Gobernuak hartutako erabakiaren ondotik Algeriaren eta Espainiaren arteko krisi diplomatikoa ere aztertu du; oraindik galdera asko erantzunik gabe daudela azpimarratuta.

Martxelo Diaz: 'Nafarroan akordioak lortzeko ezinbesteko esparrua da EH Bildu'

Nafarroako foru hauteskundeetara begira jarri gara Martxelo Diaz kazetariarekin. Horiek ospatzeko urte bete falta den arren, inkestek erakusten dute eskuina gehiengo osotik urrun dagoela Nafarroan. Diazek nabarmendu du ezkerreko alternatiba eratzeko akordio zabalak beharrezkoak izango direla; eta adostasun horietan EH Bilduk izango duen papera goraipatu du.

Vero Satrustegi: 'Barne zorra eragin du bitcoina nazio moneta bilakatzeak El Salvadorren'

Vero Satrustegi kazetariarekin Hego Amerikako berrien errepasoa egin dugu; AEB eta Mexiko arteko muga abortua delitu ala eskubide izateko muga bilakatuta sortu diren emakumeen arteko elkartasun sareak; Kolonbiako hauteskundeen bigarren itzulirako ezkerrak dituen erronkak; eta El Salvadorren bitcoina moneta nazional gisa ezartzeak herrialdearen ekonomian izan dituen ondorio larriez ere aritu gara.

Ane Irazabal: 'Politika sozialeko neurriak ezartzen hasi da Alemania, murrizketak beharrean'

EBk Errusiari ezarritako zigorren ondorioz Alemaniak aurre egin beharreko erronkei buruz aritu da Ane Irazabal kazetaria. Egoera ekonomiko ezegonkor baten aurrean, Alemaniako Gobernuak politika sozialak bideratzen hasi dela nabarmendu du Irazabalek, besteak beste, datozen hilabeteetan garraioa ia doan izango da.

Iñigo Aduriz: 'Beti dago matxismoaren erreakzio bat horrelako aurrerapausoak ematen direnean'

Espainiako Diputatuen Kongresuak argi berdea eman dio Sexu Askatasunari buruzko Legeari. Iñigo Aduriz Eldiario.es-eko kazetariak eman ditu lege honek dakartzan aurrerapausoei buruzko xehetasunak; eta eskuineko sektorean sortu duen harrabotsari buruz hausnartu du. Bestalde, pentsioen erreformari buruz aritu da, bigarren zatiaren eztabaidak dituen oztopoak azalduz.

Asier Blas: 'AEBko biolentziaren normalizazioaren esangura muturrekoak dira tiroketak'

AEBtan, Texasen izandako tiroketak zalaparta sortu du berriro armen inguruan; Joe Bidenek "armen lobby-a" eten behar dela adierazi du. Asier Blas EHUko politika zientzietako zuzendariarekin aztertu dugu biolentzia olde horren atzean zer egon daitekeen.

Horrez gain, Ukrainara begira jarri gara Mariupolgo altzairutegiko soldaduen amore emateak suposatzen duenaz eta soldadu horiek Azov batailoiarekin duten harremanaz aritu da. Suediak eta Finlandiak NATOn sartzeko egindako eskaeraren ondotik etor daitekeenaz ere hausnartu du Blasek.

hamaika telebista

11 laguntzaile

Image