Laba proiektua aurkeztu dute Iruñean. Gune fisiko bat izango dela iragarri dute, eta, horrez gain, euskara "erdigunera" eramateko proiektu bat ere bada. Diru bilketa bat jarri dute martxan egitasmoa finantzatzeko. Egitasmoko kideak diren Aitor Perez eta Izaskun Barberrek proiektuaren xehetasunak eman dizkigute.
Orain dela bi urte, Iruñeko hainbat gazte regge soinuen inguruan bildu ziren, eta 'Jah goinkoa eta regge zaharra’ musika taldea sortu zuten. Larunbat honetan, ekainaren 26an, kontzertua eskainiko dute Katakraken, Borboka zikloaren baitan. Xanti Etxeberria eta Asier Aierri galdeko kideekin solastu dugu.
‘Gure aldetara. Nafarroako emakume bertsolariak’ izeneko lanak hainbat emakume bertsolariren bertso sorta musikatuak jasotzen ditu; hain zuzen, 21 bertsolarik hartu dute parte lan honetan. Plazan profesionalki, aldizka parte hartzen duten zein bertso eskoletan jarduten duten emakumeen ahotsak bildu dituzte CD honetan, belaunaldi, eskualde eta ibilbide desberdinetako bertsolarienak.
Andrezaharraren manifestua irakurraldi-performancea, izen bereko poesia-liburuan oinarrituta dago eta Metrokoadroka Kolektiboaren laguntzarekin egina da. Mari Luz Estebanek honakoa dio 'Andrezaharraren manifestua' liburuan: “Ez diot uko egiten zaharra naizela aitortzeari: ZA-HA-RRA. Hitz hori letreiatzen dut astiro. Haren loditasuna dastatzen dut, haren sonoritatea. Hemen naiz. Begira nazazu”. Asmo horri jarraika, bost emakume, bost gorputz, bost andrezahar ikusiko ditugu oholtza gainean, haien sentimenduak dastatzen, publikoaren begiradaren aurrean agertzen.
Igela argitaletxeak argitaratutako 'Solasaldia Sizilian' liburuaren aurkezpena egin dute Iruñeko Liburu azokan. Liburu hau Elio Vittoriniren maisulantzat jo da, zentsura faxista saihestuz Mussoliniren Italian argitaratzea lortu zuten eleberri antifaxista bakarra izan baitzen. Lander Majuelo editoreak Italiako XX. mendea ulertu nahi duen orori eskeiniko lioke liburua.
'Pequeño diccionario sentimental' liburuak 57 hitzen inguruko kontakizunak eta bitxikeriak biltzen ditu euskara ez dakien jendea hizkuntzara gerturatzeko asmoarekin. Abenduan atera zuten liburua eta orain bigarren edizioa atera dute kalera. Asteazkenean Iruñeko liburu azokan aurkeztuko dute.
Eguzki Art Zinemak urteak daramatza ‘Ombuaren itzala’ filma gauzatzeko ahaleginetan. Hainbat oztopo eta zailtasun izan badituzte ere, aurrera jarraitzen dute Pedro Maria Otañoren bizitza eta obra kontatzen duen proiektuarekin, "historiako pertsona honek memoria kolektiboan merezi duen eran txertaturik iraun dezan". Filma produzitu ahal izateko auzolana jarri dute martxan. Patxi Bisquert proiektuaren sustatzailea da eta berarekin hitz egin dugu.
Britainia Handia herrialde gonbidatuari keinu eginez, Nafarroako hiriburura itzuli da Iruñea Beltza jaialdia, God save the noir lelopean. Astelehenean hasi zen, eta ostirala arte, hainbat ekimen antolatu dituzte. Kerman Arzalluz idazleak ireki zuen jaialdia bere 'Eleberri beltza eta kriminologia' tailerrarekin.
'Sisiforen paperak' 'Euskaldunon Egunkaria'ren itxieran oinarritutako obra da. Harkaitz Canok idatzi du gidoia, eta Fernando Bernuesek zuzendu du. Euskaldunon Egunkaria'rekin egin zutena gogoratu, argitu eta erreparatzeko alea jarri du Sisiforen paperak' antzezlanak; Euskal Herrian zein Madrilen (Espainia) antzeztu dute.
Dorleta Urretabizkaia aktoreari, Ikerne Gimenez musikari eta eszenografoari eta Harkaitz Cano obraren egileari egindako elkarrizketekin saio berezia prestatu dugu. Hona hemen laburpena.
